🎤Jurnalistlar yashil maydonda kuch sinashdi.

Joriy yilning 4- iyul kuni  Samarqand tumani Ohalik mahallasi hududidagi stadionda jurnalistlar o‘rtasida futbol musobaqasi bo‘lib o‘tdi.

Matbuot va ommaviy axborot vositalari xodimlari kuni tadbirlari doirasida tashkil etilgan futbol festivali viloyat axborot va ommaviy kommunikatsiyalar boshqarmasi, O‘zbekiston Jurnalistlar uyushmasi viloyat bo‘limi tashkilotchiligida, viloyat sanitariya-epidemiologik osoyishtalik va jamoat salomatligi boshqarmasi hamda “KAFIL-SUG‘URTA” aksiyadorlik jamiyati homiyligida o‘tkazildi.🤝

Futbol festivalida to‘rtta jamoa — gazetalar va bosma nashrlar xodimlari, televideniye va radio jurnalistlari, axborot xizmatlari xodimlari va respublika OAVlarning viloyatdagi muxbirlari va internet-jurnalistlar jamoasi maydonda bellashdi.