TA’LIM VA AMALIYOT UYG‘UNLIGI — YOSHLAR UCHUN YANGI IMKONIYATLAR!
“KAFIL-SUG‘URTA” AJ tomonidan yoshlarni sug‘urta sohasi bilan yaqindan tanishtirish, ularning kasbiy bilim va ko‘nikmalarini rivojlantirish hamda ta’lim va amaliyot o‘rtasidagi hamkorlikni yanada mustahkamlashga alohida e’tibor qaratilmoqda.
🔘 Shu maqsadda “KAFIL-SUG‘URTA” AJ Boshqaruv raisi o‘rinbosari U. Djanturayev hamda Jizzax viloyati boshqarmasi boshlig‘i A. Sultonov boshchiligida Jizzax shahridagi Jizzax politexnika universiteti va Jizzax Sambhram universitetida talabalar bilan uchrashuvlar tashkil etildi.
🗣 Uchrashuvlar davomida talabalarga sug‘urta sohasining bugungi kundagi o‘rni, kompaniya faoliyatining asosiy yo‘nalishlari, sohada mavjud kasbiy imkoniyatlar, shuningdek, yosh mutaxassislar uchun ish, amaliyot va stajirovka yo‘nalishlari haqida batafsil ma’lumot berildi.
📊 Kompaniya vakillari tomonidan taqdimotlar o‘tkazilib, talabalarning soha bo‘yicha bilimlarini oshirish, nazariy bilimlarni real ish jarayonlari bilan uyg‘unlashtirish hamda ularni kelgusidagi mehnat faoliyatiga tayyorlash masalalariga alohida e’tibor qaratildi.
🤝 Shuningdek, oliy ta’lim muassasalari bilan kelgusida talabalar amaliyotini tashkil etish, bitiruvchilar bandligini qo‘llab-quvvatlash, istiqbolli yoshlarni sug‘urta sohasiga jalb etish hamda o‘zaro manfaatli hamkorlikni kengaytirish masalalari muhokama qilindi.
✅ Bunday uchrashuvlar yoshlarning kasbiy yo‘nalishini shakllantirish, ularni amaliy faoliyatga yaqinlashtirish va kelajakdagi mutaxassislar uchun yangi imkoniyatlar yaratishda muhim ahamiyat kasb etadi.
“KAFIL-SUG‘URTA” AJ — yoshlar bilan birga, kelajak sari!