Sug‘urta madaniyatini shakllantirish — jamiyat barqarorligining muhim omillaridan biri

Aholi o‘rtasida sug‘urtaga nisbatan ongli munosabatni shakllantirish, sug‘urta xizmatlarining ahamiyatini keng jamoatchilikka tushuntirish hamda ushbu sohada xabardorlikni oshirish maqsadida Xorazm viloyati Xiva shahar Bolalar-o‘smirlar sport maktabi davlat muassasasi, Xorazm viloyati Xiva shahar Tibbiyot texnikumi davlat muassasasi hamda Urganch shahar “Vatanparvar” tashkiloti davlat muassasasida sohaga oid uchrashuvlar tashkil etildi.

Uchrashuvlarda “KAFIL-SUG‘URTA” AJ Xorazm viloyati filiali jamoasi vakillari ishtirok etib, sug‘urta madaniyatini shakllantirish, sug‘urta xizmatlarining jamiyat hayotidagi o‘rni hamda ularni ommaga to‘g‘ri va aniq yoritish masalalari yuzasidan batafsil ma’lumotlar taqdim etdilar.

➡️ Tadbirlar davomida:

• sug‘urtaning moliyaviy barqarorlikni ta’minlashdagi ahamiyati

• turli hayotiy holatlarda sug‘urtaning amaliy qo‘llanilishi

• aholining sug‘urtaga oid xabardorligini oshirish

kabi muhim yo‘nalishlarga alohida e’tibor qaratildi.

Mazkur uchrashuvlar aholida sug‘urtaga nisbatan ongli munosabatni mustahkamlash hamda sug‘urta madaniyatini bosqichma-bosqich rivojlantirishga xizmat qiladi.