"KAFIL-SUG‘URTA" AJ va ISFT — "International School of Finance Technology and Science" — sug‘urta sohasida zamonaviy bilimlar uchun yangi imkoniyatlar!

Bugungi uchrashuv doirasida Boshqaruv raisi o‘rinbosari — “Xodimlar bilan ishlash” departamenti direktori Janturaev Umidjon Muhammadjusupovich ISFT universitetiga tashrif buyurib, talabalar bilan sug‘urta yo‘nalishi bo‘yicha muhim masalalarni muhokama qildi.

Tadbirda quyidagi yo‘nalishlarda batafsil ma’lumotlar berildi:

🔴 agentlar bilan ishlash jarayoni va unga xos tamoyillar;
🔴 sug‘urta bozoridagi bugungi tendensiyalar va ularning ahamiyati;
🔴 yosh mutaxassislar uchun amaliyot va rivojlanish imkoniyatlari.

Talabalar o‘zlarini qiziqtirgan savollarga javob oldilar, sohaga oid real vaziyatlar tahlil qilindi. Suhbat ochiq muloqot va faol ishtirok ruhida o‘tdi.

🎓 ISFT bilan yo‘lga qo‘yilayotgan hamkorlik sug‘urta sohasi uchun bilimli va raqobatbardosh kadrlarni tayyorlashda muhim o‘rin tutadi. Bunday uchrashuvlar talabalar uchun amaliyotga yaqin bo‘lgan bilim va tafakkurni shakllantirishga xizmat qiladi.