QASHQADARYODA SUG‘URTA XIZMATLARINI KENG TARG‘IB ETISH BO‘YICHA AMALIY UCHRASHUVLAR O‘TKAZILDI

Aholining sug‘urta xizmatlaridan xabardorligini oshirish, sug‘urta madaniyatini rivojlantirish hamda hududlarda sug‘urta himoyasi qamrovini kengaytirish maqsadida «KAFIL-SUG‘URTA» AJ vakillari tomonidan Qashqadaryo viloyatining Nishon tumanida targ‘ibot-tashviqot ishlari olib borildi.

✅ Mazkur tadbirlarda «KAFIL-SUG‘URTA» AJ Boshqaruv raisi o‘rinbosari — Sug‘urta xizmatlarini rivojlantirish departamenti direktori Farhod Mo‘minov, departament vakili hamda Qashqadaryo viloyati filiali direktori A. Xalikov ishtirok etdi.

🏡 Dastlab Nishon tumanining Paxtazor mahalla fuqarolar yig‘inida aholi o‘rtasida sug‘urta xizmatlarining afzalliklari, mol-mulkni kutilmagan xavf-xatarlardan himoya qilishning ahamiyati hamda sug‘urta orqali moliyaviy barqarorlikni ta’minlash imkoniyatlari yuzasidan targ‘ibot-tushuntirish ishlari amalga oshirildi.

🤝 Shuningdek, tashrif doirasida Nishon tumani hokimi bilan uchrashuv tashkil etilib, hududda sug‘urta xizmatlari qamrovini kengaytirish, aholi bilan manzilli ishlash hamda mahallalar kesimida hamkorlikni kuchaytirish masalalari muhokama qilindi.

💬 Muloqot davomida mahalla fuqarolar yig‘inlari raislariga sug‘urta xizmatlarini aholi orasida keng targ‘ib qilish, fuqarolarning sug‘urta bo‘yicha xabardorligini oshirish hamda «KAFIL-SUG‘URTA» AJ bilan o‘zaro hamkorlikda tizimli ishlarni yo‘lga qo‘yish yuzasidan tegishli ko‘rsatmalar berildi.

🔰 «KAFIL-SUG‘URTA» AJ hududiy davlat boshqaruvi organlari va mahalla institutlari bilan hamkorlikni mustahkamlash, sug‘urta xizmatlarini aholiga yanada yaqinlashtirish hamda har bir xonadonda ishonchli sug‘urta himoyasini shakllantirishga qaratilgan amaliy ishlarni izchil davom ettirmoqda.