⚡️ "KAFIL SUG'URTA" компаниясининг Бошқарув Раиси Артиков Фурқат Азамжонович бу йил 40 ёшга тўлди. Ушбу муҳим сана компаниямиз учун катта аҳамиятга эга, чунки Фурқат Азамжоновичнинг етакчилигида биз кўплаб муваффақиятларга эришдик.

🏆 Фурқат Азамжонович, суғурта соҳасидаги инновацияларни жорий этиш ва компаниямизнинг стратегик ривожланишини таъминлашдаги ҳиссангиз учун сизга чуқур миннатдорчилик билдирамиз. 

Сизнинг раҳбарлигингизда "KAFIL SUG'URTA" ўз мижозларига юқори сифатли хизматларни тақдим этиб, бозорнинг етакчи компанияларидан бирига айланди. Хусусан:

✔️ Буюк Британиянинг "Global Banking & Finance Review’’ етакчи онлайн журнали маълумотига кўра, компаниямиз 2020 йил якунида "Ўзбекистонда умумий суғурта соҳасида энг тез ривожланаётган компания — 2021" номинациясида ғолиб бўлди;

✔️ Ўзбекистон маркетинг уюшмаси ҳамкорлари ҳамда истеъмолчиларнинг очиқ овоз бериш натижаларига кўра, компаниямиз "2022 йил бренди" ва “2023 йил бренди”  номинациялари ғолиблигини кетма-кет қўлга киритди;

✔️ "Brand Finance" компанияси томонидан 2024 йил якунига кўра, компаниямиз Ўзбекистоннинг энг кучли брендлари орасида ТОП-10 таликка кирган ҳолда суғурта компаниялари орасида 1-ўринни эгаллади!

📊 Сизнинг 11 йиллик фаолиятингиз давомида шижоатли, тажрибали ва маҳоратли раҳбар сифатида компаниямизнинг ривожланишига қўшган ҳиссангиз катта. Стратегик қарашларингиз, илғор фикрларингиз ва жамоанинг профессионал ривожланишига қаратилган саъй-ҳаракатларингиз компаниямизнинг узоқ муддатли муваффақияти учун мустаҳкам пойдевор яратмоқда.

🎊Биз, "KAFIL SUG'URTA" компаниясининг барча ходимлари, cизни ушбу муҳим сана — таваллуд айёмингиз билан чин қалбимиздан табриклаймиз ва келажакдаги барча режа ва мақсадларингизда улкан муваффақиятлар тилаймиз. Сизнинг меҳнатларингиз ва фидойилигингиз компаниямиз ривожига бениҳоя ҳисса қўшмоқда. 

🔥Фурсатдан фойдаланиб, Сизни ушбу муҳим кун билан яна бир бор чин қалбимиздан қутлаб, сизга мустаҳкам соғлик, оилавий бахт ва масъулиятли фаолиятингизда янги муваффақиятлар, компания фаолиятини модернизация қилиш ва мавқеини янада юксалтиришга қаратилган кенг кўламли ислоҳот ва янгиланишлар стратегиясини амалга оширишда катта зафарлар тилаймиз.

Ҳурмат билан
"KAFIL SUG'URTA" жамоаси!